人群里响起一阵笑声。

周福生听完这番话，气得浑身发抖：“倷……倷叫拣好听话讲？倷是把黑个讲成白个，没个讲成有个！倷骗婚在前，抢亲在后，如今还要倒打一靶！今朝勿交出秀英，我……我就撞死在申明亭个柱子上，让板榜记得清爽，裘家骗婚抢亲，逼死人命！”

“住口！”孙德辉一声喝断，瞪着周福生，厉容道，“侬阿晓得该搭是申明亭啊！该是啥地方？是太祖爷钦定教化乡里、剖决争讼个地方，勿是侬撒泼打滚、寻死觅活个地方！少拿死来吓我，侬假使真个想死，出了亭子，想哪能死就哪能死，但侬要敢勒我面前讲该种话，就是藐视圣谕、扰乱公堂！本老现在就可以命人把侬叉出去，板榜上就写侬周福生咆哮申明亭，拿死要挟里老！”

周福生被他这一喝，吓得连磕两个响头：“里老爷，小人有罪，小人气昏头哉，冲撞了申明亭，冲撞了里老，小人认罚。可里老爷，侬听听裘大有讲个话，真真太过分哉！我周福生一世人没进过衙门，没搭人红过脸，实在讲勿过人家，但假使阿拉今朝救勿回秀英，是勿是往后人人都好学着骗？先骗婚，再抢人，抢了就是自家个，该天底下还有公道？里老爷，求侬拨阿拉做主啊！”

一直沉默的裘长泰这时上前来，向孙德辉弯腰作一揖，沉声道：“里老爷，我搭秀英早已拜过堂，她就是我媳妇！”

裘大有在旁哽着嗓说：“里老爷，秀英阿拉是真个欢喜，长泰更是欢喜到骨子里，我头一遭望见他眼睛里向放光。阿拉长泰笨，勿会讲漂亮话，可他是真心个啊！周家要退婚，阿拉心里苦，可阿拉没闹过，没骂过，聘礼掼回来，阿拉捡起，一句闲话没多讲。该半年，长泰瘦了十来斤，日里发呆，夜里困勿着觉。我讲儿啊，算哉，人家看勿上阿拉。他说阿爹，我就是放勿落，我就是欢喜秀英。本来秀英就是阿拉裘家媳妇啊！里老爷，阿拉心里真个苦煞哉！”

孙德辉捻着胡须，目光在两方之间来回扫几遍，心里有了计较。他不紧不慢地端起茶盏，呷了一口，开腔道：“本老今年六十七，勒该申明亭坐了十五年堂，经手个官司没一百也有八十，倷两家该点事，本老听得明白。裘家讲周家悔婚，周家讲裘家骗婚，谁是谁非，倷各讲各有理，再扯落去，扯到明年也扯勿清爽。”

他顿了顿，话锋一转，对周福生道：“但有一桩事体，如今倷哪能也绕勿过去哉，秀英已经进了裘家个门，磕了头，拜了堂。倷想想，一个黄花闺女，名声已经没哉，倷把她接回去，往后她哪能见人？啥人还敢来提亲？三埭街就介巴掌大个地方，消息传得多少快，侬周福生今朝把人要走，明朝满街闲话就能把侬孙囡淹死，侬堵得住别人个嘴巴伐？”

周福生脸色一白，嘴唇翕动，话还没出口，孙德辉抬手止住：“侬先勿要急，听本老把话讲完。”

他随即转向裘大有：“再讲裘家。裘大有，侬讲侬倪子是真心欢喜秀英，本老信一半。侬记牢，今朝该桩事体，是侬裘家理亏在先，心里要有数。往后假使敢亏待秀英，敢打她骂她，本老第一个勿答应！到该辰光，就勿是侬今朝跪勒本老面前哭两声能了脱个事体，本老亲自写帖子送到县衙门去！”

裘大有连忙伏身叩首，声声明朗：“勿敢勿敢！里老爷放心，阿拉屋里一定好好待秀英，我把她当亲囡！”

孙德辉满意地颔一颔首，随后朝向周福生，语气缓和几分，却是不容置疑的调子：“本老也晓得倷委屈，孙囡养了二十年，舍勿得。可人活一世，有些事体由勿得自家。秀英既然已经拜堂成亲，该就是她个命。”

张秋菊闻言，顿时捶胸痛哭不已。

李惟道脚步一动，正要上前，身前却横来一条手臂。

孙德辉扬声对亭中亭外众人道：“本老今朝就了断该桩官司，周秀英已经搭裘长泰拜堂成亲，就是裘家个媳妇，周家勿能再以骗婚为由要人，此事到此为——”

“真是太好笑了。”

一道突兀的声音响起，将孙德辉后半句话硬生生截断。他一愣，扭头四顾：“啥人？啥人勒讲话？”

斐然拨开人群，走到石桌前，对坐一旁的里长道：“起开。”

那里长只觉莫名其妙。

孙德辉同样摸不着头脑，复又问：“侬是啥人啦？”

“起开，”斐然眉头蹙起，“别让我再说第三遍。”

莫名其妙的里长，不知怎的，就莫名其妙地起开了。

斐然在石凳上坐下，手按着腹部，脸色发白：“你们这帮人真是气死我了，气得我胃疼。”

大家你望望我，我望望你，一时竟无人接话。

她捂着腹，在桌上趴着歇了片刻，吩咐道：“倒杯茶。”

莫名其妙的里长，又莫名其妙地倒了杯茶。

斐然喝下一口热茶，胃才稍缓过来。

孙德辉往后仰了仰，仔仔细细打量她一番，见她一身道士打扮，不禁迟疑地问：“该位……该位仙姑，侬到底是啥人啊侬！”